ငွေသားလုံခြုံမှု အာမခံတွင် အနည်းဆုံးတစ်ရက်မှ အများဆုံး တစ်နှစ်အထိ အာမခံသက်တမ်းထားရှိနိုင်မှာ ဖြစ်ပါတယ်။

ငွေသားလုံခြုံမှုအာမခံတွင် သိမ်းဆည်းမည့်ငွေပမာဏကို အာမခံထားငွေအဖြစ် သတ်မှတ်ထားရှိနိုင်မှာ ဖြစ်ပါတယ်။

ငွေသားလုံခြုံမှုအာမခံတွင် အစိုးရဌာနနှင့် ပုဂ္ဂလိကဘဏ်များအတွက် အာမခံထားငွေ (၁၀၀)ကျပ်လျှင် တစ်နှစ်အတွက် အမြင့်ဆုံး (၀.၅၀%) သတ်မှတ်ထားပြီး ပုဂ္ဂလိကလုပ်ငန်းများအတွက် အာမခံထားငွေ (၁၀၀)ကျပ်လျှင် တစ်နှစ်အတွက် ပုံသေ(၁%) သတ်မှတ်ထားပါတယ်။

ငွေသားလုံခြုံမှုအာမခံကို လုပ်ငန်းရှင်များ (နိုင်ငံပိုင်လုပ်ငန်းများ၊ သမဝါယမပိုင်လုပ်ငန်းများနှင့် ပုဂ္ဂလိကပိုင်လုပ်ငန်းများ) အပြင် မိမိလက်ဝယ်ရှိငွေများကို ညအိပ်သိမ်းဆည်းသူများလည်း အာမခံထားရှိနိုင်ပါတယ်။

နိုင်ငံပိုင်လုပ်ငန်းများနှင့် ပုဂ္ဂလိကလုပ်ငန်းများသည် လက်ဝယ်ရှိငွေများကို လုပ်ငန်းတည်ရှိရာနေရာတွင် ညအိပ်သိမ်းဆည်းထားစဉ် ဖောက်ထွင်းခိုးယူခံရခြင်း၊ လက်နက်ဖြင့် ခြိမ်းခြောက်၍လုယူခံရခြင်းတို့ကြောင့် ဆုံးရှုံးသွားသောငွေများကို လျော်ကြေးပြန်လည်ရရှိနိုင်သော အာမခံအမျိုးအစားဖြစ်ပါသည်။